Breaking News
आदर्श बिद्या मन्दिर एसइइ जिल्ला प्रथमलाई सम्मान तथा दशै कार्यक्रम सम्पन्न    ||     बनेपाका मेयरले राखेनन् कार्यपालिका बैठक :बहुमत कार्यपालिका सदस्यहरुले बुझाए ज्ञापनपत्र    ||     झिगु सहकारी सुखदुःख को सहयात्री    ||     युएम बचत तथा ऋण सहकारीको सकियो साधारणसभा :अध्यक्षमा लक्ष्मी नारायण श्रेष्ठ निर्वाचित    ||     काभ्रे महोत्सव २०७९ मा आजको आकर्षक लोक गायक बद्री पंगेनी    ||     युएम बचत र गरुण बचत मर्जे हुँदै , सकियो युएमको ११ औं साधारणसभा    ||     वाईवाई चाउचाउ बेचेर १५० सिसिको बाईक पाए राजन कायस्थले    ||     सुरु भयो बनेपामा पाँचौ काभ्रे महोत्सव    ||     आत्महत्या निर्मुल पार्ने काभ्रे प्रहरीको सचेतना कार्यक्रम    ||     काभ्रे ट्राफिकले गर्यौ गाडीहरुको यान्त्रिक परिक्षण तथा चालकको स्वास्थ्य परिक्षण    ||    

युएम चौतारा शाखाको ११औं साधारणसभा सम्पन्न

  २ हप्ता अघि | २८ भदौ २०७९, मङ्लबार
न्युज काभ्रे संवाददाता

चौतारा । युएम बचत तथा ऋण सहकारी संस्था लिमिटेड चौतारा शाखाले आफ्नो ११औं वार्षिक साधारणसभा सम्पन्न गरेको छ ।

सिन्धुपाल्चोकको सदरमुकाम चौतारामा रहेको सो सहकारीको मूख्य कार्यालय काभ्रेको बनेपामा रहेको छ । ८ वटा शाखा रहेको सहकारी मध्ये चौतारा शाखा उत्कृष्ट भई सम्मानित समेत भएको छ । शाखा प्रमुख रामकृष्ण कार्कीलाई सहकारीको अध्यक्ष रामशरण श्रेष्ठले सम्मान गरेका हुन् । साधारणसभामा सहकारीले उत्कृष्ट बाल बचतकर्तामा अरुण श्रेष्ठ, उत्कृष्ट ऋणीमा राकेश श्रेष्ठ, नियमित बचतकर्तामा जनक श्रेष्ठ, उत्कृष्ट शेयर खरिदकर्तामा गम्भीर राना, जेष्ठ सदस्यमा नारायणबहादुर श्रेष्ठ, उत्कृष्ट कर्मचारीमा मुना तामाङलाई छनौट गरी सम्मान गरेको छ ।

कुल पुँजी ९२ करोड भन्दा बढी रहेको सहकारीको १७ हजार बढी शेयर सदस्य मध्ये चौतारा शाखामा २६ सय माथि शेयर सदस्य रहेको शाखा प्रमुख रामकृष्ण कार्कीले जानकारी दिए । सहकारीले विभिन्न सामाजिक काम समेत गरिरहेको कार्कीले बताए । चौतारा बजारको पार्किङलाई व्यवस्थित बनाउन ५० हजार बराबरको ३० वटा नो पार्किङ बोर्ड चौतारा साँगाचोकगढी नगरपालिका वडा नं. ५ सँग समन्वय गरी राखिएको थियो । कार्यक्रममा प्रमुख अतिथि चौतारा साँगाचोकगढी नगरपालिका वडा नं. ५ का अध्यक्ष शिव श्रेष्ठले सहकारीले पार्किङलाई व्यवस्थित गर्नेजस्ता सामाजिक कार्यमा समेत अग्रसर रहेको भन्दै विशेष धन्यवाद व्यक्त गरे ।

साधारणसभामा चौतारा साँगाचोकगढी नगरपालिका वडा नं. ५ को पूर्व अध्यक्ष नरमान श्रेष्ठ, सहकारीको प्रमुख कार्यकारी अधिकृत रोशन श्रेष्ठलगायत बैंक तथा इन्स्योरेन्स कम्पनी र सहकारीका प्रमुख, प्रतिनिधिहरुले साधारणसभाको शुभकामना दिएका थिए । साधारणसभा सहकारीका अध्यक्ष रामशरण श्रेष्ठको अध्यक्षतामा भएको हो । कार्यक्रममा सहकारीका सबै शाखाका कर्मचारीहरु र सदस्यहरुको बाक्लो उपस्थिति रहेको थियो ।

  • न्युज काभ्रे संवाददाता

थप